Ирина Ермакова

1951-жылы Керч булуңунда, кемеде төрөлгөн. Черкассыда (Украина) чоңойгон. Москва транспорт инженерлер институтун «Көпүрөлөр жана тоннелдер» адистиги боюнча аяктаган. Көпүрөлөрдү долбоорлоо боюнча инженер-конструктор болуп иштеген. «Одиссейге бешик ыр» (2002), «Улей» (2007), «Майрамды күтүү» (2009), «Кара жибекке кара туш менен» (2012), «Жетинчи» (2014) сыяктуу сегиз ыр китептин, италия тилине которулган «Ninna-nanna per Odisseo e altre poesie» (2008) аттуу ыр жыйнагынын жана бир нече адабий мистификациялардын автору, алардын ичинен эң белгилүүсү — XII кылымдагы япон акын айымы Ёко Иринати. Ырлары англис, араб, болгар, италян, каталон, кытай, латыш, македон, немис, поляк, португал, румын, серб-хорват, француз жана башка тилдерге которулган. «Арион» жана «Октябрь» журналдарынын сыйлыктарына, «Anthologia» поэзия сыйлыгына, «LericiPea Mosca» италия-орус сыйлыгына, «Москва эсеби» чоң сыйлыгына, эл аралык Волошин сыйлыгына, «Венец» сыйлыгына лауреат. Москвада жашайт.
Ирина Ермакова бирдей деңгээлде классикалык жана авангарддык эки салттын мурас­кери болуп саналат, аларды өзүнүн лирикалык «менинин» таасири аркылуу баш ийдирүү менен жаңылап жана өркүндөтүп төрт муундук ямбдан тартып, велибрге чейинки орус ырларынын ар түрдүү формаларын устаттык менен пайдаланат.