Борис Рыжий

1974 йилда Челябинскда туғилган. Урал тоғ-кон академиясининг геофизика ва геоэкология бўлимини, Россия Фанлар Академияси геофизика Институти Урал бўлимини тугатган. Кейин ўша ерда кичик илмий ходим бўлиб фаолият юритган. «Урал» (Екатеринбург) журналида ўз рукнини ташкил этган. 1996 йилдан бошлаб Урал журналларида, кейинчалик Санкт-Петербург ва Москва журналларида унинг ижод намуналари чоп этилди. Роттердам шеърият фестивалида қатнашган. Ҳаётлигида биргина «Ва ҳаммаси бир» (2000) шеърий китоби нашр этилган, иккинчи — «Совуқ шамолда» китоби 2001 йилда, у вафот этганидан сўнг дунё юзини кўрди. 2000-2010 йилларда бир неча тўпламлари пайдо бўлди. Шеърлари инглиз, араб, булғор, итальян. литва, олмон, голланд, серб, турк, француз ва бошқа тилларга таржима қилинди. «Антибукер» Мустақил мукофоти, «Шимолий Пальмира» Адабиёт мукофотларининг (вафотидан сўнг) совриндори.
2001 йилда ўз жонига қасд қилган.
Рижийнинг ёрқин ижоди ва фожеали ўлими бутун бир адабиёт аҳлида чуқур таассурот қолдирди. Унинг ҳаёти, ижоди ҳақида Россия ва Голландияда бир неча биографик ҳамда эсдалик китоблар нашр этилди, етакчи театрларда спектакллар қўйилди, ҳужжатли фильмлар суратга олинди. Ҳозирда бадиий фильм суратга олиниши мўлжалланмоқда.