Wýaçeslaw Kupriýanow

1939-njy ýylda Nowosibirskide dogulýar. Leningrad şäherinde Ýarag inženerleriniň Ýokary harby-deňiz uçilişşesinde okaýar. Moskwanyň Daşary ýurt dilleri institutynyň terjimeçilik fakultetini tamamlaýar. Iňlis, nemes, fransuz, ispan, latyş we ermeni şygryýeti boýunça ýazylan eserleri terjime edýär. Erkin goşgynyň teoretigi we praktigi. Russiýada neşir edilen on sany şahyrana ýygyndynyň, şol sanda “Sözümi gutarmaga goýuň” (2002), “Zamananyň odasy” (2010), “Hç zat adamyňky däl” (2013), “Gapma-garşylyklar” (2019) atly we daşary ýurt dillerinde neşir edilen kyrk kitabyň, birnäçe kyssanyň awtory. Goşgulary ähli ýewropa dillerine we köpsanly aziýa dillerine terjime edilen. Köpsanly halkara we russiýa baýraklarynyň, şol sanda Branko Radiçewiç adyndaky (Serbiýa) baýragynyň, Awstriýanyň Bilim ministrliginiň baýragynyň, “Morawskiý switok” (Serbiýa), “Naji Naaman literary prizes” (Ýaponiýa) baýragynyň, Bunin baýragynyň, W. Maýakowskiý adyndaky baýragyň we beýleki birnäçe baýraklaryň eýesi. Makedoniýanyň edebiýat žezliniň eýesi. Rossiýanyň Ýazyjylar birleşiginiň we Serbiýanyň ýazyjylar birleşiginiň agzasy. Moskwada ýaşaýar.
Edebiýatçy alym we tankytçy Artýom Skworsow şahyry şeýle häsiýetlendirýär: “Kupriýanow formasyz dil haosyny elegant (näzik) we paradoksal (geň-enaýy) pikiriň naýzasy bilen sançýar. Patetika dil we edebiýatda adatça hetdenaşa duýguçyllyk bilen el-ele berip gidýär, emma bu ýerde pafos dermanhana anyklygy bilen ýaňsylama bilen deňleşýär. Şahyr hiç haçan sesine bat bermeýär”.