Виктор Куллэ

Соли 1962 дар шаҳри Кирово-Чепетски вилояти Киров таваллуд шудааст. Факултети муҳандисӣ-физикии Донишкадаи механика ва оптикаи дақиқи Ленинградро хатм кардааст, дар Донишкадаи адабии Горкий ва аспирантураи назди он таҳсил намудааст. Номзади илмҳои филологист. Мутахассис оид ба эҷодиёти Иосиф Бродский мебошад. Сармуҳаррири маҷаллаи «Литературное обозрение» ва нашриёти «Летний сад» будааст. Муаллифи китобҳои шеърии «Палимпсест» (2001), «Ҳама бо ҷиддият» (2011) ва «Сипоснома» (2020), маҷмӯаи шеърҳои «Матонат ва нур» (2017). Тарҷумони шеър аз забонҳои англисӣ, итолиёвӣ, забонҳои халқҳои Россия. Офарандаи барномаҳо ва сенарияҳои телевизионӣ барои шабакаҳои «Культура» ва «Первый канал». Сценариянависи филмҳои мустанад дар бораи М. Ломоносов, А. Грибоедов, М. Тсветаева, Г. Газданов, силсилаи филмҳо дар бораи занон дар Ҷанги Бузурги Ватанӣ. Барандаи ҷоизаи маҷаллаи «Новый мир», ҷоизаи «Lerici Pea Mosca»-и Итолиё ва Россия, ҷоизаи ба номи A. M. Зверев, ҷоизаи нави Пушкин ва ғ. Дар Москва зиндагонӣ мекунад.
Файласуф ва адабиётшинос Георгий Гачев чунин навиштааст: «Шеъри Виктор Куллэ забонҳои Офтоб, хаёлот, гуноҳ ва хандаи ҳастӣ, ҳаваси андеша, нутқи боҳашамат, оркестри тембрҳо мебошад...».