Валерий Попов

Валерий Георгиевич Попов (с. т. 1939) — носир, шоир, сенариянавис. Барандаи ҷоизаҳои Федератсия Россия (2013), Санкт-Петербург (2014), «Китоби бузург» ва ғ.
Дар Казон таваллуд шудааст. Донишкадаи электротехникии Ленинградро хатм намуда, ба ҳайси муҳандис кор кардааст. Ҳамчунин хатмкунандаи факултаи сенариянависии ВГИК мебошад.
Маҷмуаи нахустини ҳикояҳояш соли 1969 зери унвони «Ҷанубтар аз пешина» аз чоп баромад. Беш аз сӣ китоби насри бадеӣ ва мустанад навиштааст, аз ҷумла қиссаи «Беҳтарин аз бадтаринҳо», «Қорччинон бо корд сайр мекунанд», «Фариштаи сиёҳӣ», «Даҳшати ғалаба», «Инҷили Магдалина», «Нафаси саввум», «Зиндагӣ хуб шуд», «Зиндагӣ дар давраи дигаргуниҳо». Чанд сенария навиштааст. Муаллифи китобҳо дар бораи Д. С. Лихачёв, С. Довлатов дар силсилаи ЖЗЛ.
Поповро ба «мактаби носирони ленинградӣ» нисбат медиҳанд, ки аз он Андрей Битов ва Сергей Довлатов низ баромадаанд. Ба насри ў мазҳакаи фоҷиавӣ ва гротеск хос буда, инъикоси зиндагӣ дар он бо ҳиссиёт ва ҳавасангезӣ бо хоҳиши омурзиш тавъам аст.