Юрий Кублановский

1947 йили Рибинск шаҳрида таваллуд топган. Москва давлат университетининг тарих факультети санъатшунослик бўлимини тугатган. Муранова шаҳридаги Ф. И. Тютчев, Словецкий, Кирилло-Белозерский ва Ферапонтов музейларида ишлаган. «СМОГ» норасмий назмий гуруҳга аъзо бўлган, маън қилинмаган «Метрополь» альманахида иштирок этган. 1982 йили мажбурий кўчиб кетган, Париждаги «Русская мисл» газетасида фаолият юритган, 1990 йилда ватанига қайтган. Россия, АҚШ, Францияда нашр этилган йигирма учта, жумладан: «Мусофирчилик» (1993), «Сана» (1994), «Тақвимдан ҳам узоқ» (2001), «Ёруғлик йилида» (2003), «Қайтишда» (2016), «Танланган» (2006), «Ёднома» (2010, 2012), «Волгага бағишланади» (2010) «Тўплам» (2011), «Ёмон об-ҳавода ўқиш» (2012), «Узоқ довон ошиш» (2017) шеърий тўпламлар муаллифи. Кўп мукофотлар, жумладан, Москва Ҳукумати мукофоти лауреати, Александр Сольженицин Адабиёт мукофоти, махсус «Anthologia» назмий мукофоти, Янги Пушкин мукофоти, Россия Федерацияси ҳукуматининг маданият соҳасидаги мукофоти, Царскосельск бадиий мукофоти, Патриарх адабиёт мукофотлари лауреати. Москвада яшайди.
Нобель мукофтоти лауреати Александр Сольженицин у ҳақда шундай ёзганди: «Юрий Кублановскийнинг шеърияти анъанавий рус шеъриятига содиқлик билан фарқланиб туради, ғашга тегадиган эмас, янгиланган истиорали — баъзида унчалик қизиқ эмас, моҳиятан ҳамиша оқланган; ва сатрнинг табиий қатъиятлигики, у сизни қайта-қайта ўқиш ва эслаб қолишга чорлайди».