Ալեքսանդր Պրոխանով
Ալեքսանդր Պրոխանով (ծնվ. 1938 թ.) — արձակագիր, լրագրող, հրապարակախոս, սցենարիստ, հասարակական գործիչ: Բունինի անվան, ազգային «Ոսկե Դելվիգ» բեսթսելլերի և շատ այլ մրցանակների դափնեկիր:Ծնվել է Թբիլիսիում: 1960 թվականին ավարտելով Մոսկվայի օդագնացության ինստիտուտը՝ աշխատել է ինժեներ ԳՀԻ-ում, անտառապահ՝ Կարելիայում, Տուվայում մասնակցել է երկրաբանական-հետախուզական աշխատանքների: Որպես «Литературная газета»-ի լրագրող՝ շրջագայել է ամբողջ ԽՍՀՄ-ում, եղել է Արկտիկայում և հրթիռային կայաններում, աշխարհի շատ թեժ կետերում: «Завтра» թերթի գլխավոր խմբագիր, Ռուսաստանի գրողների միության քարտուղար: 1980-ականների սկզբներից ստեղծել է ռազմաքաղաքական վեպեր՝ Աֆղանստանի պատերազմին նվիրված «Վառվող այգիներ» քառահատորյակը: 1990-ականների վերջերին լույս է տեսնում Ալեքսանդր Պրոխանովի «Յոթնագիրքը», որն ի մի է բերում «Քաբուլյան երազ», «Եվ ահա վրա է հասնում քամին», «Որսորդը կղզիներում» վեպերը: Պրոխանովի «Պարոն Հեքսոգենը», «Իոսիֆ Բրոդսկի ջերմանավը», «Չեչենական բլյուզ», «Արևելագետը» և մյուս վեպերը մշտապես ունեցել են հասարակական հնչեղություն:
Պրոխանովի գլխավոր թեմաներն են՝ անհատը և պատերազմը, ռուսական և համաշխարհային քաղաքակրթության ճակատագրերը, խորհրդային պետության փլուզումը, աշխարհաքաղաքական աղետները: Այլաբանությամբ հագեցած նրա «գունեղ» արձակը մեծ մասամբ սնվում է ռուսական (կոսմիզմի) և եվրասիականության գաղափարաբանությունից:
