Ýuriý Polýakow

Polýakow Ýuriý Mihaýlowiç (1954-nji ýylda doglan) — kyssaçy, žurnalist, publisist, dramaturg, şahyr, jemgyýetçilik işgäri. Ol RF-iň Hökümet baýragynyň (2005), N. W. Gogol ­adyndaky edebi baýragyň, Bunin baýragynyň (2008), S. T. Aksakow adyndaky baýragyň we başga-da köp baýragyň eýesi.
Moskwada işçi maşgalasynda eneden bolýar. N. K. Krupskaýa adyndaky Moskwanyň oblast mugallymçylyk institutynyň rus dili we edebiýaty fakultetini tamamlaýar. Filologiýa ylymlarynyň kandidaty, front şygryýeti barada dissertasiýa goraýar. Polýakow 2001—2017-nji ýyllarda “Literaturnaýa gazeta” atly gazetiň baş redaktory bolýar.
Şahyr hökmünde 1974-nji ýylda debýutirleýär. Ýuriý Polýakowyň “Etrap möçberindäki ADH” we “Buýruga çenli ýüz gün” atly ilkinji powestleri “Ýunost” žurnalynda çapdan çykýar. “Ýalňyşlar üstünde iş”, “Apofegeý”, “Kostýa Gumankowyň Pariždäki söýgüsi” powestlerinde tankytçylar tarapyndan “groteskli realizm” diýlip atlandyrylan ýazyjynyň usuly kemala geldi. “Süýtdäki owlajyk”, “Men gaçmagy göz öňünde tutdum...” romanlarynyň, “Ten duýguly powestleri” toplumynyň, “Kömelek patyşasy” romanynyň, “Gips surnaýçy” ýaňsyly epopeýanyň, “Özgeriş döwrüniň söýgüsi” we beýleki romanlaryň awtorydyr. Polýakowyň pýesalary rus we ýewropa sahnalarynda üstünlikli görkezilýär. Polýakowyň prozasy hemişe durmuşy we örän döwrebap. Ol täze gahrymanlary we täze durmuş gurluşyny şerebeli, satiriki beýan edýär, munda onuň sarkazmy, köplenç, lirika, durmuş joşgunlylygy bolsa — ýakymly nostalgiýaly ýaňsa geçýär.