Владимир Маканин

Маканин Владимир Семёнович (1937—2017) — прозаик, сценарист. У Россия Федерацияси давлат мукофоти лауреати, «Рус Букери», «Катта китоб», «Ясная Поляна» ва бошқа мукофотлар билан тақдирланган.
Ёзувчи Орск шаҳри (Оренбург вилоятига қарашли)да қурилиш муҳандиси ва ўқитувчи оиласида туғилган. Москва давлат университетини механика-математика факультетини тамомлаган. Математикадан дарс берган. Олий сценаристлар курсини тамомлагач, «Советский писатель» нашриётида муҳаррир бўлиб ишлаган. Максим Горький номидаги Адабиёт институтининг наср семинарида раҳбарлик қилган.
1965 йилда Маканиннинг биринчи романи «Тўғридан йўлак» номи остида чоп этилди. Шундан сўнг унинг бир қатор роман ва ҳикоялари — «Портрет атрофида», «Якка ва ягона», «Олдинги», «Осмон тепаликлар билан бирлашганда», «Ер ости ёки бизнинг давр қаҳрамони», «Қўрқув», «Асан» ва бошқа асарларини чоп этилиши уни замонамизнинг энг муҳим ёзувчиларидан бирига айлантирди.
Маканиннинг ёрқин, мураккаб, кино ифодасини ўзида мужассамлаштирган насри психологизм, нарса ва ҳодисаларга интеллектуал қараш, ижтимоий кайфият ва ҳолатларни айниқса чуқур тасвирлаши билан ажралиб туради. Маканинни адабий жамоатчилик «ижтимоий инсоний фанлар» ва «ижтимоий диагностика» магистри деб аташган. Унинг асарларидаги бош қаҳрамонлар «ўртамиёна одамлар» деб аталадиган ижтимоий тоифа бўлиб, у уларнинг яшаш муаммолари, шахсий ҳақиқатлари, эркинликлари, ижодий ва танлов кайфиятлари ҳақида бадиий мулоҳазаларини сиз билан бўлишади.