Андрей Битов

Битов Андрей Георгиевич (1937—2018) — носир, сценарист. РФ Давлат мукофоти (1992, 1997), РФ Ҳукумати мукофотлари совриндори (2014).
Ленинградда муҳандис ва ҳуқуқшунослар оиласида дунёга келган. Ленинград тоғ-кон институтини тамомлагач, бурғиловчи уста бўлиб ишлаган. Сценаристлар ва режиссерлар олий курсларида таҳсил олган, сценарийлар ёзган.
«Уроки Армении», «Аптекарский остров», «Дни человека» ва бошқа китоблари унга интеллектуал носир ва ажойиб стилист шон-шуҳратини олиб келди. Битовнинг илк романи «Пушкинский дом» 1978 йилда АҚШда чоп этилган ва уни бутун дунёга машҳур қилди: Битовга россиялик ёрқин постмодернчи дея таъриф беришди. Горький номидаги Адабиёт институтида дарс берди. Қайта қуриш давридан кейин кўпгина асарлари нашр этилди. «Улетающий Монахов», «Оглашенные», «Неизбежность ненаписанного» китоблари, «Империя в четырех измерениях» деб номланган тўрт томли асари ва бошқа кўплаб Россия ва халқаро мукофотларга муносиб топилди.