Igor Melamed

1961-nji ýylda Lwowda (Ukraina) dogulýar. Çernowisk uniwersitetiniň filologiýa fakultetinde okaýar, A. M. Gorkiý adyndaky Edebiýat institutyny tamamlaýar. “Ýunost” žurna­lynyň tankyt bölüminiň redaktory, Boris Pasternagyň Peredelkinodaky muzeýinde ylmy işgär bolýar. Oňurgasyny döwdüreninden soň özbaşdak hereket etmek ukybyny ýitirýär. Kesellän ýyllarynda işjeň bloger bolýar, mistikalaşdyrylan şahyrlaryň we tan­kytçylaryň birnäçe “edebi maskalaryny” döredýär. “Ukusyzlyk” (1994), “Gara jennetde” (1998) we “Jeza” (2010) diýen şahyrana kitaplaryň awtory. Gorkiý edebiýat baýragy­nyň, “Moskwa hasaby” baýragynyň, Halkara Woloşin baýragynyň eýesi. 2014-nji ýylda aradan çykýar.
Ol aradan çykanyndan soň, onuň goşgular ýygyndysy, esseistikasy we “edebi maskalary” üç kitapda neşir edilýär. “Igor ömrümde duşan adamlarymyň arasynda iň gyzykly we täsin adamdy. <...> bu şahyr beýleki şahyrlaryň hiç birine meňzemeýärdi. Şonda men şahyrlary şeýle göz öňüme getirýärdim. Ol hakykatdan-da Şahyrdy. Nähili banal görünse-de, ol Hudaý tarapyn berlen Şahyrdy” — diýip, edebiýaty öwreniji we tankytçy Pawel Basinskiý ýatlaýar.