Ольга Славникова

Славникова Ольга Александровна (1957-ж. т.) — жазуучу, эссечи, адабий сынчы. «Орус Букери» (2006), «Ясная Поляна» (2018) сыйлыктарынын лауреаты.
Свердловскиде, инженер-коргонуучулардын үй-бүлөсүндө туулган. Урал мамлекеттик университетинин журналистика факультетинде окуган. Басмаларда жана «Урал» журналынын редакцияларында иштеген.
Славникованын «Биринчи курстагы кыз» аттуу алгачкы повести 1988-жылы чыккан. Жазуучунун сыйкырдуу реализм салтында жазылган «Иттин көлөмүнө чейин чоңойтулган ийнелик» аттуу биринчи көлөмдүү романы сынчыларга жана окурмандар журтуна катуу таасир калтырган. «Күзгү алдында жапжалгыз», «Өлбөс», «Жеңил баш», «Алыстыкка секирүү» деген романдары, «2017» аталышындагы антиутопиясы жана аңгемелер жыйнактары ага прозанын биринчи класстагы устаты даңазасын алып келген.
Славникованын прозаларында философиялуу жана өтө социалдык проблематика тилинин чогунду метафориялуулугу, стилинин филиграндуулугу менен айкалышат. Сынчынын пикири боюнча, «анын ар бир китеби — бул кол эмгегинен жаралган дааналай ­товар».