Դինա Ռուբինա
Դինա Ռուբինա (ծնվ. 1953 թ.) — արձակագիր, դրամատուրգ, էսսեիստ: «Մեծ գիրք» մրցանակի դափնեկիր (2007 թ.):Ծնվել է Տաշքենդում՝ նկարչի և ուսուցչուհու ընտանիքում: Ավարտել է կոնսերվատորիան, դասավանդել է մշակույթի ինստիտուտում, աշխատել է թարգմանիչ ուզբեկերենից: Տեղափոխվել է Մոսկվա, աշխատել է ռադիոյում: Արտագաղթել է Իսրայել:
16-ամյա Ռուբինայի առաջին պատմվածքը լույս է տեսել «Юность» ամսագրում: Նրան լայն ճանաչում բերեց նույն ամսագրում տպագրված «Ե՞րբ է գալու ձյունը» վիպակը (1977): Երիտասարդ գրողի մի քանի վիպակներն անվերապահ ընդունվեցին ընթերցող հասարակության կողմից: 1990-ական թվականներին Ռուբինան նրբաճաշակ ու կրակոտ «կանացի բելետրիստիկայից» անցավ ավելի ծավալային ժանրերի՝ փիլիսոփայական-հոգեբանական վեպին և ընտանեկան սագաներին: 1996 թ. ավարտել է «Ահա գալիս է Մեսսիան» վեպը Իսրայել արտագաղթածների կյանքի մասին: «Փողոցի արևային մասում», «Սինդիկատ», «Կորդովայի ճերմակ աղունիկը», «Կանացի քամի» վեպերը, «Նապոլեոնյան սայլաշարք» և «Ռուսական դեղձանիկ» վեպերը Ռուբինային դարձրին Ռուսաստանի հանրաճանաչած կին գրողներից մեկը:
Ռուբինայի արձակը կրակոտ է, փոխաբերականորեն շռայլ է՝ քմահաճորեն կառուցված սյուժեով: Նրա հերոսները ռուս և իսրայելցի մտավորականներն են: Քննադատները գնահատում են Ռուբինային «մտքի աշխուժության», «խելացի խելքի հնարամտության» և «կյանքի մասնատվածության ու համակեցության բազմաբղետ աղբի նկատմամբ անհագ-ագահ ուշադրության համար» (Ալլա Մարչենկո):
