Wiktor Pelewin

Pelewin Wiktor Olegowiç (1962-nji ýylda doglan) — kyssaçy, esseçi. “Uly kitap” (2010), “Kiçi Buker” (1993), “Milli bestseller” (2004) baýraklarynyň we başga-da birnäçe Rossiýa we Ýewropa baýraklarynyň eýesi.
Moskwada dogulýar. Ol Moskwanyň energetiki institutyny tamamlaýar we A. M. Gorkiý adyndaky Edebiýat institutynda okaýar. 1991-nji ýylda ýazyjynyň ilkinji kitaby — “Gök fonar” atly hekaýalar ýygyndysy çapdan çykýar. “Omon Ra”, “Mör-möjekleriň ýaşaýşy”, “Çapaýew we Boşluk” we “Generation „P“” romanlary, 90-njy ýyllaryň intellekt hakyka­tyny onuň akyla sygmajak ideýalary, düşünje oýunlary, mifleriň dargamagy, ruhy gurşawyň täjirleşdirilmegi we simulýakrlaryň dabaralanmagyny doly görkezmek bilen — awtora kult ýazyjy-postmodernistiň — öňdengörüjiniň we pygamberiň şöhratyny getirdi.
Pelewin — “Empire V” (2006), “S. N. U. F. F” (2011), “Betmen Apollo”, “Üç sany sukerbrinlere söýgi” (2014), “Gözegçi”, “iPhuck 10” atly romanlaryň, “Geçiş döwrüniň dialektikasy. Hiç ýerden hiç ýere” (2003) atly hekaýalar ýygyndysynyň we beýlekileriň awtory. 2021-nji ýylda “Transhumanism Inc.” atly hekaýaly romany çapdan çykdy.