Հեռուստացույց մի նայիր: Խանութ մի գնա...
* * *
Հեռուստացույց մի նայիր: Խանութ մի գնա:
Հեռախոսը անջատիր: Ու մնա մենակ:
Ամրոցում մթան:
Վեր մի կենա անկողնուց: Հիվանդ ձեւացիր:
Ձեւացիր համր ու խաղա դերը հարբածի:
Գուցե ձեռք չտան:
Ոտից գլուխ ծածկըվիր: Աչքերդ փակիր:
Անշարժ պառկիր, ու թող որ միտքդ բարակի:
Ու շունչդ՝ նույնը:—
Մթում վախն է քրթմնջում նորից լսելի:
Կյանքի վախն է, թե մահվան, որին լսելիս
Միշտ զարմանում ես:
