Не глядзі ў тэлевізар. Да крам не хадзі...

* * *

Не глядзі ў тэлевізар. Да крам не хадзі.
Адключы тэлефон. Заставайся адзін.
Ды займай абарону.

Назавіся хворым. Прыляж, затым
Ты нямым прыкінься, п’яным у дым.
Мо будзе заслона.

Ляж пад коўдру, вокны ўсе зачыні.
Адключы галаўны, прыглушы спінны.
Дыхай лепш пасіўна.

Ноччу так бубніць застарэлы жах —
ці то страх жыцця, ці то смерці страх.
Нават слухаць дзіўна.