Сыналгыны көрбөгүн. Дүкөнгө да барбагын...

* * *

Сыналгыны көрбөгүн. Дүкөнгө да барбагын.
Телефонду өчүргүн. Жакшы жалгыз калганың.
     Коргонуш — ыйык милдеттир.

Төшөгүңдөн турбагын. Оору жандай пас болгун.
Дудук боло калгының же калп эле мас болгун.
     Сага алар, балким, тийбестир.

Катып алгын башыңды. Жумуп алгын көзүңдү.
Өчүрүп сал акылды, басаңдатып сезимди.
     Жатып ал анан дымып жай... —

Деп күңкүлдөп түндөсү карган чалдай көрүнгөн
Коркунучпу өмүрдөн, коркунучпу өлүмдөн.
     Укканың муну кызыктай.