Միխայիլ Ելիզարով
Միխայիլ Ելիզարով (ծնվ. 1973 թ.) — արձակագիր, բանաստեղծ, երգերի հեղինակ-կատարող։ «Ազգային բեսթսելլեր» (2020) և «Ռուսական Բուքեր» (2008), Գրիգորիևի պոեզիայի մրցանակի դափնեկիր։Ծնվել է Իվանո-Ֆրանկովսկում, մեծացել Խարկովում։ Ավարտել է Խարկովի համալսարանի բանասիրական ֆակուլտետը։ Աշխատել է օպերատոր հեռուստատեսությունում, սովորել է Խարկովի մշակույթի պետական ինստիտուտի հեռուստառեժիսուրայի բաժնում և Հաննովերի կինոդպրոցում։
Միխայիլ Ելիզարովի առաջին գիրքը՝ «Եղունգներ»-ը, լույս է տեսել 2001 թվականին։ Հեղինակ է «Պաստեռնակ», «Գրադարանավարը», «Մուլտֆիլմեր», «Երկիր» վեպերի, «Դուրս ենք եկել ծխելու 17 տարով» պատմվածքների ժողովածուի և այլ գրքերի։
Ելիզարովի ստեղծագործությունը, ըստ քննադատների, «հավասարակշռություն է պահպանում հետմոդեռնիստական և ռեալիստական պրակտիկայի սահմանագծում» (Դենիս Յուրև):
