Леонид Юзефович

Юзефович Леонид Абрамович (1947 йилда туғ.) — носир ва сценарист. «Национальный бестселлер» (2001, 2016), «Большая книга» (2009, 2016, 2021) мукофотлари совриндори.
Москвада туғилган, болалиги ва ўсмирлигини Пермда ўтказган. Перм университетининг тарих факультетини тугатган. Журналист ва ўқитувчи сифатида ишлаган. Тарих фанлари номзоди.
Илк асари 1977 йилда чоп этилган «Обручение с вольностью» («Эркинлик билан никоҳ») повести бўлган. Кейинчалик «Клуб «Эсперо’’», «Князь ветра», «Казароза», «Журавли и карлики», «Самодержец пустыни», «Маяк на Хийумаа», «Филэллин» ва бошқа бир қатор тарихий повест ва романлари нашр этилди.
Китобхонлар ўртасида унинг изқувар Иван Путилин ҳақидаги тарихий детектив серияси катта муваффақият қозонди. Фуқаролар уруши ҳақидаги «Зимняя дорога» деб номланган ҳужжатли романига юксак баҳо берилди.
Юзефович насри ва ҳужжатли асарларида тарихий мазмунга экзистенциал тус берилади «... детектив интрига ортида борлиқнинг бошқа бир синоати ётади... Юзефовичнинг ҳар бир детектив жанридаги асарида қотиллик изидан тушишдан ҳам кўра ҳаяжонлироқ бўлган ақл-идрокка чорловчи саргузашт намоён бўлади: китобхон қандайдир глобал, дунёвий ғоялар сингдирилган сирли дунёга ғарқ бўлади» (Марина Абашева).