Guzel Ýahina

Ýahina Guzel Şamilýewna (1977-nji ýylda doglan) — ýazyjy, ssenariýaçy. RF-iň Hökümet baýragynyň (2019), “Uly kitap” (2019) we “Ýasnaýa Polýana” (2015) baýraklarynyň eýesi.
Kazan şäherinde lukman bilen inženeriň maşgalasynda eneden dogulýar. Kazan mugal­lymçylyk institutynyň daşary ýurt dilleri fakultetini we Moskwanyň kino mekdebiniň ssenariýa fakultetini tamamlaýar. Reklama ulgamynda işledi.
Awtoryň edebiýatdaky debýuty ― 2014-nji ýylda “Newa” žurnalynda çap edilen “Kebelek” hekaýasy. Ondan soňky ýylda tatar daýhanlarynyň 1930-njy ýyllardaky tragediýalaryna bagyşlanan “Züleýha gözüni açýar” atly taryhy romany çap edilýär. Roman bestsellere öwrüldi, kän neşir edildi, ekranlaşdyryldy. Ýahinanyň beýleki romanlary — “Meniň çagalarym” (Powolže nemesleriniň ykballary hakynda), “Eşelon Samarkanda barýar” (Powolžedäki 1920-nji ýylyň açlygy barada) atly romanlary hem uly seslenme döretdi.
Ýahina — XX asyryň arhiw barlaglaryny talap edýän, çylşyrymly taryhy maglumatly eposy bilen işleýän häzirki zamanyň az sanly awtorlarynyň biri. Onuň kyssasy kinematografik we içki uly dinamika eýedir.