Даптын жанданышы

Сибирь шамандарынын ырымы

Дапты, Сибирь шаманы,
     чайкасын орус арагы.
Жанданат аспабыңдын алкагы
     кайышы да жумшарат.
Алкагың ырдап жиберет
     эстеп тайгада кантип өскөнүн,
Курмандык болчу күндү күткөнүн,
     тилеп Кудайдын буйругу менен
Өзүн аспап үчүн кыйышарын.

Даптын тери-кайышын
     орус арагына сугар, шаман,
Эстесин бугу болгон кездерин,
     мылтык оозун баёо тиктегенин,
Тирүү калбасын билбегенин,
     добулбастын добушунда каларын,
Каккан сайын ыр болуп даңкылдарын.