2012 йил Свердлов шаҳри ҳайвонот боғида ўлган Олмос исмли бегемотга бағишлов

 

Ногоҳ бизнинг шаҳримиз аро
Олмос деган бегемот ўлди.
Ёшлар оқди кўзлардан дув-дув,
бирдан диллар қайғуга тўлди.

Ўлди 37 ёшида,
менга тенгдош эди у қарийб,
бўрон қуши янглиғ берди жон
қариб-қартайиб.

Ёшлигимдан таниш, балчиқда
ётар эди хамирдек ҳар дам,
еб, инқиллаб, оғрирди, йиғиб
олишарди тезагини ҳам.

Боқишарди карам биланмас,
арча билан — қаттиқ ва аччиқ,
шундоққина челакдан олиб.
Ҳаёт жуда қўрқинчли, қаттиқ.

Ҳаёт гиппопотамникидек,
ушбу ерда барчани шумшук
ёлғизлик ва жароҳат кутар.
Инсон — нечоғ бадбуруш, хунук.

Сен — бижғиган чоҳда яшайсан,
олингансан гарчи Инжилдан,
африкалик нигоҳи билан
ўлим тилаб илтижо қилган.

Қани, қўшиқ ясай-чи, мужмал
Қофиялар билан бир қатор,
Шеър ёзувчи ваколати-ла
Келмаганман бу ерга бекор.

Қўшиқ:

«Истайман, эй она, ҳайвонот
боғимизга ишга киришни
ҳамда улкан бегемотни ҳам
шланг билан чўмилтиришни.

Истагим шу, ширин, тўқ сариқ
сабзи билан озиқлантириш
ва севгимни бағишлаб, уни
кўркам ҳамда чиройли қилиш.

Бир чеккада туриб уларни
кузатардик диққат билан биз.
Жониворлар бари жаннатга
тушадилар бир кун, шубҳасиз».