Державиндин ырын окуп көпөлөк...

* * * Державиндин ырын окуп көпөлөк: «Мен — куртмун! Мен — Кудай!» деп кайра да, Канат күүлөп учат анан көкөлөп, Жаман курттан кооз жандыкка айлана. Ооба, ырас, биздикинен артыкча Негизи бар сыймыктанып көрктөнөөр. Отту айланып ойкуп-кайкып салтынча, Акыр бир күн канаты да өрттөнөөр. Балким, анын жакындыгы Кудайга — Куртка ынак болгону деп угамын. Бизден артык батып санаа, убайга, Сагынат ал куурчакча кез убагын.