კიმილკუტელი და ელენნი

(გამოყენებულია ჩუკოტკის სასიყვარულო
შეთქმულების მოტივები)

შენ მე აღარ გიყვარვარ, ელენნი.
შენ რუსს უყურებ, ჩემო ელენნი.
შენ მას გინდა მისცე შენი სხეული.
მე ხომ ჩუქჩა ვარ ირმისნაირი,
შენ არ გჭირდები, ელენნი.
ცუდად ვგრძნობ თავს მე კიმილკუტელი.
დედამიწაზე თავს ცუდად ვგრძნობ.
მსოფლიოს შუაგულში.

და წავედი მე შამან ქალთან,
ყველასთვის ნაცნობ ჩარგოსთან წავედი,
ვუთხარის ჩემი მწუხარება,
ჩარგომ აი, რა მიპასუხა:
«ნუ სევდიანობ, ნუ ტირი:
ისევ შენი იქნება ელენნი,
თუ ისე მოიქცევი,
როგორც მე გეტყვი, კიმილკუტელო:
გამოჩნდი მის წინაშე,
მოშარდვა რომ მოუნდება,
და უთხარი მის გულს —
დაე, გამოვიდეს მისგან
შარდის ნაკადთან ერთად,
და მერე ჩექმებით გათელე
მისი შავი გული...
დაე, იყვიროს, ტკივილისგან დაიტანჯოს,
და წამებულს — შეუყვარდები“.

„არა, — ვუთხარი მე შამანს, —
არ მინდა მყვირალ ჭრილობად
გადავაქციო მე მისი გული...
ტკივილი მე მას არ დამიბრუნებს.
დაე, წავიდეს რუსთან,
დაე მისცეს მას ის,
სიყვარულით რასაც მე მაძლევდა.
დაე, გააკეთოს ეს, მე კი
სიცოცხლის ბოლომდე წავალ,
სადაც დედამიწა ცასთან ახლოა,
და ავალ ცაში,
სამუდამოდ დავტოვებ ამ ბოროტ მიწას.