Чӣ хуш мебуд кунӣ эҷоди ашъор...

* * *

Чӣ хуш мебуд кунӣ эҷоди ашъор
зи ҳарфи сафсата, аз ҳарфи ҳазён,
зи ҳарфи ёваҳои хандаовар,
масолеҳи забони сусту арзон,

чу аз холигаҳ, аз сӯроху аз дарз,
зи ҳарфе, к-иштибоҳан аз забон рехт,
аз он гуфтори бемавриду беҷо
ки як аблаҳ ба маъниҳо биомехт, —

ба қасди Хармс борин як турушрӯ,
ки шиша нашканад аз зарбаш алъон,
чу нуре бигзарад, ё мисли боде,
равад беминнату осону арзон,

расад осон чу нури деркарда,
расад аз моварои абри пурзаҳр,
биёяд, даррасад, ҳам бигзарад боз
чу озон аз ҳавои тираи шаҳр.