Тушнинг давоми
ҳаммасини эслаб қолиш имконсиз
лоақал узуғу юлуқ лавҳада
эсда қолар
тушнинг давоми
негадир нотаниш бир макон
худди синф хонаси каби
рюкзак ва папкалар
ўз ҳолича ташлаб қўйилган
бир неча таниш қиёфалар
аммо таърифланмаган аниқ
унинг ўзими ё унга ўхшашми
уни эслатувчи қизми ё
номаълум бўлгандек сенинг келганинг
номаълумдир унинг қайдан келгани
ноаниқлик ҳамда айтилмаган сўз
ила тўлиб кетган суҳбатлар
сигарета чўғи гугурт чақноғи
ҳаракатларнинг терс кетма-кетлиги
сен жавоб берасан сезиб саволни
қашлайсан қашнаринг
маълумот олгач
аслини олганда ҳаттоки сўз йўқ
шунчаки яримта-юрумта сўзлар
суҳбат парчалари
руҳий тушкунлик
чексизлик тасвири
тушнинг давоми
