Мен отам ҳақида ёзмоқчи бўлдим...

* * *

Мен отам ҳақида ёзмоқчи бўлдим,
ёзишдан чўчидим сўнг, журъат қилмай,
мана, энди ювош қўйдек турибман,
буни қандай айтишни билмай.

У ҳақда ёдимда қолганларидан
биргина ҳолатни танлардим, холос:
бирга чанғи учган дамларни эмас
ва бошқа эркалик онин — шунга хос.

Онамга отилган курсини эмас
ва жомин — «Дихлофос» қовоқхонасин,
ўйинчоғимнимас, олти ёшдайдим,
элтиб кетганин ва сотиб ичганин.

Ўғил миннатдордир отадан, токи
қаттиқ ичиб олиб кунлардан бир кун
Брежнев ҳақида латифанимас,
«Пинк Флойд» фарқини билгани учун.

Шубҳасиз, у ерда Wish You Were Here
янграб турган, бундай бўлмаса ҳам, лек
ҳар қандай айбларни кетар хаспўшлаб
у — эҳтимол, хиёнаткор — ёруғлик.