Шеърга ружуъ қўйма, насрга ўтгин...
* * *
Шеърга ружуъ қўйма, насрга ўтгин.
Шеърлар кўпдир, аммо носирлар камёб.
Булбул, атиргулни насрда битгин, —
гуллар ҳамда қушлар жуда насрбоп.
Шоирларга хосдир ҳарбийча тартиб:
бундан қоч, у ерга бормагин зинҳор.
Инжиқлик, лоқайдлик имкони кўпдир
носирларда — олам ичра неки бор.
Носирларда — ростгўй суҳбатлар, тонгда —
ёлғизлик, ялқовлик сари одимлар.
Шоирларда — фитна, жанжал, тўқнашув
ва бош чаноғи ичра босимлар.
