Етти дўнглик, мовий ўрмонда қойим...
* * *
Етти дўнглик, мовий ўрмонда қойим
ўсар етти баргли шоҳ-майса доим,
етти дўнглик, етти шамол эсгуси —
қирмизи — майсанинг бир баргин туси,
бошқа барги эса — ёвшан майсадек,
тахир эмас, осмон янглиғ кўкдир лек.
Учинчиси — чирик, тўртинчиси — оқ,
тепасида Малак куйлагансиёқ,
от дупури, машъум ҳуштак таралди,
бешинчиси — яшил бўлиб яралди.
Олтинчиси — олтин куртакдир азал,
еттинчиси — таёқ сингари дағал.
Майса узра қушча куйлар кеча-кун,
майса олиш лозим Иван куни-чун,
дарё кесишган жой ва яшил ўрмон —
ҳар майса остида яширин инсон.
Қовурғасидан тик майсанинг жисми,
унинг эзгулигин будир бир қисми.
Ушбу эзгуликка жой очиб дарҳол,
асталик билан бир баргни қирқиб ол.
Етти дўнглик, етти учқур ел аро
инсонни қўлингга олгин аввало,
чин инсон юрагин суғурган кезда
юлиб олгин кўкиш майсани тезда
ва уни кўксингга тақиб юр бир-бир,
шеърлар битгин ҳамда фарзандлар туғдир.
