Тортинчоқлик

 

Етти марта судландим; лагерларда ўтирдим,
унда тахта ўринда қўшнинг ўлса ногаҳон
раҳбарларга айтишга шошмасдилар, то тирик
ҳисоблашса олардинг бир бурда ортиқча нон;
ўлик билан ёнма-ён ухлардинг, то бошма-бош
текширувчи ҳидидан лошин топгунга қадар.
Қочдим қаттиқ режимли зонадан, тақиқланган
муҳитда отилишим бўлса ҳамки муқаррар;
бир вагонда ўлимга ҳукм этилганлар ила
кетдим, уларни қатл жойига элтишарди.
Ётдим карцерларда, ҳам ёлғиз камераларда...
Ва сўнгги олифтадек минг бир ўйда ботиниб
«Новый мир» журналининг эшиги олдида жим
шеър давтарин ғижимлаб турганман мен тортиниб.