Dəfin canlanması

SİBİR ŞAMAN AYİNİ

Rus arağı çilə
     öz qavalına, sibir şamanı.
Qavalın dərisi də,
     halqası da canlanacaq.
Oxuyacaq,
     ölümlü ağac kimi xatırlayacaq
Tayqada böyüdüyünü, gözlədiyini
     tanrıların əmri ilə
İnsanların onu kəsəcəyi günü.

Rus arağı çilə,
     qavalın dərisinə, şaman.
Sərxoş olub oxuyacaq,
     xatırlayacaq qəzəbli dişi maral kimi
Düz ölümün lüləsinə baxdığını,
     yaşayacağını bilmədən
Qavalın coşqun ritmlərində,
     ölüm sonrası nəğməsində.