Мен дейман, чарчадим, чарчадим, қўйвор...
* * *
Мен дейман, чарчадим, чарчадим, қўйвор,
етар, халос айла... қўйвормас осон,
тингламас, ғужанак бўлиб оларман,
кўтарар, кулар, дер: учмадинг ҳамон,
бармоқларин очиб, кўкка отар: уч,
учгандекман, дейман тупуриб майса,
дейман, учгандекман, ахир, қўйворгин,
дейман, мен толиқдим, қўйвор, у эса
бош узра ирғитар, ҳордим, тушунмас,
буталар ичига уч, дейди кулиб,
мен-чи, чарчаганман, қўл силкиб, афтин
тимдалайман, сўнгги бутани тутиб,
майли, дейман, сўнг бор мени тентак дер,
дер, ҳозир учдинг-ку, дейман, хўп, тағин
бир бор ирғит, дейман, дер: жонга тегдинг,
ўзинг уч, мен дейман, майли, жин урсин,
қанчалар толиқиб кетдим, э Худо,
чарчатиб юбординг, куламан шу дам,
у менга қарайди, югурганча сўнг
майли, дер, ва ногоҳ чопаман мен ҳам.
