Sonet

Qoşub paltaryuyan maşını o gün
bütün şənbə boyu işlətdim, doğru.
Bir şey darmadağın elədi bütün
həmin o səhnəni: əyri künc, boru.
Odur yerləşdirib paylayıcını
onu calaq etdim həmin boruya,
əcəlmayallaq tək o yırtıcını
ram etdim, qoymadım işi korlaya.
— Oleq, hər şey mümkün bu döngələrdə,
bəlkə də cənnətdir yerin, — deyirəm.
— Ehtiyat eləmə, bəxtin gülər də,
hər şey keçər, — deyib fikirləşirəm,
— Bitər, çətinliyin sonu gələr də, —
uçurum ağzında əsəbləşirəm.