Августун аягы

Августун акыркы күндөрү
Мектепке жөнөрдөгү
Абдан көп эске түшөт:
Апакай жаңы көйнөгү
Кыпкызыл жагоосу
Агасы белектеген.
Жапжаңы сумкасы
Алманын жыты келген,
Апакай дептердеги
жазуу үчүн сызыктар,
өчүргүч, альбом, сызгычтар,
саякатташ үчүн
алыскы өлкөлөргө
географиялык атластар,
муздак дарыядан сезилген
физикалык мыйзамдар,
чоктогу картошка жыты
түтүн менен таркалган,
каникулдагы москвалык кыз
анатомия кирерин айткан
онунчу гана класстан,
ах, ошондогу!..
Аяктадык августу.
Ыр угулду кусалуу:
«Бүттү август, жакында күз...»
Не келет деги оюңа
Бул шумдуктуу оюнда?