Франкфуртда қиш

Олмон шлакоблок слободасин
чўкич ургувчиси гувиллар бетин;
сувнинг қисқа туташувида
ишламай қолгандай бўронда тиқин;

автобуснинг шарақлаган гармоникаси
бурилишга тортиб кетар мўйнани шу пайт;
турк ити токчадан туриб, оғзини
қийшайтирди титраб азобдан қалт-қалт;

ёмғирдаман — унинг эгри михчалари
урилар шляпам гардишига тез;
маст, мўйловдор поляк каби, қўшним мушуги
ҳавода панжасин ўйнарди бу кез;

изғирин-ла буткул йитган қиш эди,
қораярди, оқарди у оралаб бироқ
ўлакса, ит гўшти ила таратарди ҳид,
газнинг ширин чириги ва тафти-ла узоқ;

ёлғиз кетдим. Учар эди қарға, қузғунлар
кўз ёши ва учқунлар-ла тепамдан ғужғон.
Алмашинди қон. Тўрт томон судралиб кетди
бирортасин билмай, англамай бўрон.