Эстеликтин төбөсүнө дагы бир...
* * *
Эстеликтин төбөсүнө дагы бир
Кептер конду көпчүлүктүн көзүнчө.
Бут алдында кимдин башы, баары бир!
Канаттуунун чындыгы бар өзүнчө.
Ага жагат уясындай түнөгү —
Чыкыйдагы коло чачтын арасы.
Канакей даңк! Сый дегенди билеби.
Көгүчкөнгө болдуң чындап нааразы.
Андан көрөк бүркүт келип консочу,
Туулгадагы куш канат деп айткыдай.
Бирок, досум, сен намыскөй болбочу,
Троя эмес — Невадасың, аттиң-ай.
Бир чымчыкка бурдуң мынча көөнүңү,
Кармап алып, салгың келет тебелеп.
Көгүчкөндөн көтөрүлүп көңүлү,
Учпасын деп баштын ээси тиленет.
