Келіңдер...
* * *
Келіңдер,
Шағын бір дастархан жаяйық.
Алқызыл қызанақ,
Көкбұйра ақжелкен, аскөктен қояйық.
Сарымсақ,
Пияз бен жұпарлы бұрыш бар,
Безеулі қияр мен
Тілінген қарбыз бар. Май болса, ырыс бар —
Кәріптас
Секілді жарқырап, күн күліп әйнектен,
Ғажап нұр. Қара нан туралық,
Ақ тұзбен дастархан бай неткен?!
Мәрттікпен
Қойғайсың тұтас бір құтыңды.
Толық бір бөтелке жүзімнің шарабы —
Дер кезі сықылды.
Жағымды
Еркіңше ішіп-жеу, ұсынса күз егес,
Жарқыным, жеңілер біз емес,
Жеңілер біз емес.
Ешқашан.
Тыңдасаң Жаратқан Тәңірді,
Түнерген күншілден тентектеу
Сүйген жан қадірлі.
