Бачыш, залатая аса...

* * *

Бачыш, залатая аса
Звонам напаўняе вясну.
А дзяўчаткам лётаць бы ў снах,
Хлопчыкам карціць на вайну.

Мы з табой ідзём сярод дня
Пасярод імклівых бадзяг.
Напішу прыгожа імя,
Бо імя — кахання працяг.

На тваіх руках — процьма рыс,
А ў вачах тваіх — сотня сноў.
Падары мне свой відарыс,
Забыццё няспраўджаных слоў.

Кружаць восы, як на бяду,
У чаканні лепшых навін.
Я цябе навек украду,
Выцягну з пакутных лавін.

Будзем мы над светам лунаць,
Станем удваіх на крыло,
Зразумей: жылі не дарма,
Не дарма яшчэ пажывём.