Ёмон кунга қадар асра, қувончим...

                       * * *
                         А. Р.

Ёмон кунга қадар асра, қувончим,
ноябрь тонгининг қўрғошин музин,
мағлуб байроқларнинг нам ипагини,
сиҳатгоҳ чойшабин дағал совушин,

беихтиёр титраш видо қучиб ва
мангуга кетажак поезд ларзасин...
Ол ахир, ҳозирча тўфон келмайин,
Нуҳ кемаси ичра менинг ўтинчим —

кетмакка ишора, сузиш белгисин,
жим муқаддимасин йўқликнинг,
энг сўнгги совуқнинг аранг сезилган
енгил елвизагин, қувончим менинг.