Почта тарихи

300 йил давоми
руслар уларни
мўғуллар эзганин даъво қилдилар
аммо маълум бўлди, улар шунчаки
почта олиб келишган экан.
Уч юз йил давоми
руслар хат олган
бироқ билишмаган экан ўқишни,
шу боис,
ўқилмай қолган хатларнинг
зулматидан халос этмоқлик учун
ёқиб юборишга тўғри келгандир
Москвани бир неча марта.


Ва ниҳоят,
Иван Грозний Шарққа
юриш қилиб эгаллаган Қозонни,
Ғарбга эса қочоқ Курбский сари
мактублар йўллашни бошлаган.


Аммо бу даҳшатли хатларга Буюк
Пётр жавоб бера бошлаган эди,
Голландия ёқдан, денгиз ортидан,
яна битта Буюк Екатерина,
алоқа бошлади энг зўри ила
жаноб Волтер оламидаги,
сўнгра Наполеон — ул Банопарт ҳам,
Мосвкага яна ўт қўйиш билан
дворянлар учун муносиб, дея
ва ярамас халқни вақтидан олдин
тенглигу қардошлик ила хижолат
қилмай, дея башанг француз хатин
келишига кўмак бериб юборди.
Яхшилангач эса почта хизмати
Декабристлар рус юртини қандай қуриш,
Лондондаги Герценни уйғотиш ҳақда
хат йўллай бошлади Сибирдан туриб.
Уларга Владимир Илъичнинг ўзи
жавоб берар эди узоқ-узоқни
кўра оладиган мўғул кўзларин
қисиб, Женевадан, Цюрихдан туриб.

Октябрь тўнтариши ҳам
рўй берди, мана,
мўғул почтасининг кутилган
натижаси каби,
Шарқнинг жавоби каби
Ғарбнинг чақириғига.

Балки нималардир келтираётир
бизга ҳам жавобан яқин 300 йил