Дерлар, Аратат тоғида Инжил кемаси ухлар...

* * *


 Дерлар, Аратат тоғида Инжил кемаси ухлар.
Дерлар, олис-олисларда Авелнинг ҳам қабри бор,
Нигоҳимни олиб кетгил буруқсиган ерлардан,
Тирик тўзондаги тана парчалари, кирлардан.

Нигоҳимни олиб кетгил полиция қошидан,
Қулоғим ол ҳарбий мавзу, сиреналар товшидан.
Ғазабинг қайнаса сен Тўфондирсан, дейдилар.
Халос этганда, номинг Велфеем, деб қўйдилар.

Нигоҳни тинчитиш-чун қаерга боқишни айт.
Болани қутқариш-чун қаерга қочишни айт.
Шахсий белгиларидан улушим олгум таниб:
Сен ғазабдан портлайсан, тўнни тескари танғиб.

Менинг ўз соҳамдаги бу энг сўнгги маълумот,
Сен томонингдан ўйлаб топилган инсоният
Ҳар қанча раҳм этсанг ҳам, неча бора сўйсанг ҳам,
Қайта тирилгай, ўзгармас ўша қиёфа билан.

Ниначи симфониясин, қушлар қўшиғин кўпдан
тингламадим, пичанзорга чиқмас беайб жонларинг,
Буғдойзорда очилмади ложувард қўнғироқгул,
Яратганмидинг уларни қачонлардир? Кўрсатгил.

Ер қобиғи емирилиб бўлди, тўзғиди руҳ ҳам.
Ёш-қари тепамда турди, иккигача санадим.
Эҳтимол, ҳали ҳам бордир чангга айланмаган жой,
Қўлимда иккиси билан мен қаерга югурай?

Тубсизликка қулар бари, кел, кўргил ва фикр эт,
Насиҳатгўй нигоҳимни четга тортгил, олиб кет!
Қандай турай, қайга боқай, кўрсат? Иккисигами?
Ваъда бер, айт қўлларингдан қуш учиб чиқишини.