Қиз базми

Катя эри билан ғурурланади,
          унинг обрўси бор,
              қўли ҳам узун;
Ленанинг ғурури — боласин ёлғиз
          ўстирар,
                 дунёга талаблар қўймас;
Света ғурурланар ўз касби билан
           лавозими баланд,
                 маоши устун;
Таня уйи билан ғурурланади,
         яхши жиҳозланган,
                   ўз дидига мос;  
Бошқа аёл билан кетиб юборди
Катянинг обрўйи осмонда эри.
Вақт ўтди, Ленанинг синовда пишган
           мард қалбин қадрига
                ҳеч кимса етмас.
Света феълига мос келмас ишин
            тарк этди —
                  халатда юрар кун бўйи.
Танянинг уйини қандайдир ғамгин,
умидсиз ёлғизлик тарк этмас.

Саккизинчи мартда ҳар йили улар
              қиз базми ўтказар,
Катя пирог, торт,
                Лена эса олар сервелат-пишлоқ,
Света — сигаретнинг яхши туридан
                ва кайфият учун олади когор,
Таня замонавий мусиқа қўяр,
                товуқ, салат билан безатар стол.

 — Айтишларича, — гап бошлайди кимдир, —
Қадимги Греция ичра бир орол,
унда амазонка аёллар бўлган,
эркакларни яқин йўлатмаган ва
кимдир бу қонунни билиб ё билмай
бузса, уни ўша заҳоти
ўлдириб қутулган!

Бу тарих уларни жонлантирар ва
          кўтариб юборар кайфиятини:
Донишманд греклар ҳақда сўзлашар,
         эстрада устаси қўшиғин тинглаб
ва ҳатто ўзлари тушиб рақсга,
         муҳокама қилар ёшлар хаттини,
бутерброд, пирог ўчириб ташлар —
         байрам бўёғидан айри тушар лаб.

Кўришгунча, Катя, — кўринишинг зўр
хона чироғининг хира нурида!
Хайр, Лена, —
улгур траллейбусга,
           уёғи хилват йўл, титрар оёқлар!
Хайр, Света, — ўнгга,
           сўлга юрасан,
зулмат хиёбоннинг музли йўлидан!
Хайр, Таня, — кутар ювишинг, тортнинг
           қолдиғи-ла қолган идиш-товоқлар!