Гузель Яхина

Яхина Гузель Шамилевна (1977-ж. т.) — жазуучу, сценарист. РФ Өкмөтүнүн (2019), «Чоң китеп» (2019) жана «Ясная Поляна» (2015) сыйлыктарынын ээси.
Казань шаарында, врач менен инженердин үй-бүлөсүндө туулган. Казань пединститутунун чет тилдер факультетин жана Москва кино мектебинин сценарий факультетин аяктаган. Жарнама тармагында иштеген.
Автордун адабий дебюту — 2014-жылы «Нева» журналына жарыяланган «Жетим көпөлөк» аңгемеси. Кийинки жылы анын 1930-жылдардагы татар дыйкандарынын кайгылуу тагдырына арналган «Зулайка көзүн ачканда» аттуу тарыхый романы чыккан. Роман бестселлер болуп калган, көп ирет басылып чыгып, экрандаштырылган. Яхинанын «Менин балдарым» (поволжье немецтеринин тагдыры тууралуу), «Самаркандга багыт алган эшелон» (1920-жылдардагы Поволжьедеги ачарчылык жөнүндө) романы дагы чоң резонанс туудурган.
Яхина — татаал тарыхый материалдары бар архивдик изилдөөлөрдү талап кылган XX кылымдын эпостору менен иштеген азыркы авторлордун бири. Анын прозалары абдан кинематографиялуу жана албан динамикага ээ.